كلمات أغنية ميمتي

يا ميمتي مشيتي و لمن خليتيني و ياما
تقطعوا بيا الحبال و القلب ضلام و ياما
كان يبدا نهاري بدعاويك و اليوم ندعي ليك برحما
في عز شبابي تحرمت منك ويا ما

ولات دنيا تبان ليا blanc et noir
ملي ندخل ما نلقاش حسك كاين في دار
ما بقى حد يحن فيا شكون يطفي هاد نار
راه القلب دبل بالعداب مسقي بلمرار

كنتي ميمتي شمعة لي تنور ضلامي
كنتي دفى لي يسخن ليا عضامي
كنتي ضهري اميمتي وكتافي بيك حامي

ربي لكان عندها شي دنب حسبوا عليا
وليت كا نشوف بلا كولور في عينيا
حتى من ضحكة لي في وجهي هربت ليا
ريحتك زينة مزالا في نيفي لاسقا فيا

كا نسمع les audios ديالك ودمعة كا تنزل
كا نشوف تصاورك حر شوق فيا كا يقتل
لي داز عليا ماشي قليل راه كا يهد جبل
فراق لميمة شحال صعيب أعليا كمل

كنتي ميمتي شمعة لي تنور ضلامي
كنتي دفى لي يسخن ليا عضامي
كنتي الحلمة زينة لي ساكنة في منامي
كنتي ضهري اميمتي وكتافي بيك حامي