كلمات أغنية المحطة 40

قالتلي المراية
مافيكي شي مغير
لساكي حلواية
وبعدو القلب اخضر
لكن حكي عيونك
قاسي ومش مفسر
بعمرك شفت إنسان
عالوقت ما بيكبر

بتذكر شو كنت تغيب
وما اعرف اسبابك
وأندر دمع تا الليل
يحرسلك بوابك
بتذكر شو كنت تقول
ضلي ضحكي ضلي
ضحكك صلا القلوب
وهم العمر حلي
وكل لي معنا صار
بلحظات مجنونة
نحتو الزمن تذكار
ع وجهي وعيوني

حدك أنا شو مشيت
عالحلوة والمرة
وطفلة هواك بقيت
ولو شابت الغرة
و وردة العشرين
ال كنتا أنا مرة
زادا الحلا عشرين
مرة بعد مرة