كلمات أغنية رعى الله يا عرب ذاك الزماني
- كلمات
- حسين بن زربان
- ألحان
- ناصر الدوسري
ابن زربان مما في ضميره
يون الليل ويبيح السريره
توجد لين ضاق به المكاني
رعى الله ياعرب ذاك الزماني
دناني الليل والطرقه طويله
وتليت الشفر وافتر ويله
ياناصر هزني الشوق ودعاني
رعى الله ياعرب ذاك الزماني
نهار كانت الدنيا بسيطه
وخلاها تبدل شكل ثاتي
رعى الله ياعرب ذاك الزماني
نعيب الوقت واثر العيب فينا
تغيرنا مع طول السنينا
بشيات ٍ تهزّن الكياني
رعى الله ياعرب ذاك الزماني
ياورق ٍ فوق عوج الخوص غنا
يذكرنا غناه بطيب اهلنا
هل العادات ذربين اليماني
رعى الله ياعرب ذاك الزماني
زمان الطيبين اللي توفو
وراحو بعد ماوفو وكفو
صحيح ان العمر لو طال فاني
رعى الله ياعرب ذاك الزماني
هذا يسيّر على الاخر ابيته
يقول ان مرني ولا نصيته
تلاقيهم معَا كنهم اخواني
رعى الله ياعرب ذاك الزماني
مهوب اللحين كلن في طريقه
يقول افلان جعله في حريقه
ماعندي به ولا لي فيه شاني
رعى الله ياعرب ذاك الزماني
نزل قدر الكبير بعين ربعه
وكبر بعينهم من شان طبعه
وشاع البغض مابين الخواني
رعى الله ياعرب ذاك الزماني
غني المال صار اليوم دوله
يقدم في مظاهير الحموله
مشيّخ عند ربعه والعواني
رعى الله ياعرب ذاك الزماني
ياليت الوقت يرجع الاولاني
ويحيا القرم ويموت الجباني
وبيت الطين يرجع والسواني
رعى الله ياعرب ذاك الزماني