كلمات أغنية درب الفلاح

يالله ترشدنا على درب الفلاح
وصعب الزمن تفكنا مشاكله

وتجعل مشاربنا من الجمه قراح
ويبقى حلال اللي نحوش وناكله

وتمضي مراكبنا على خير وصلاح
لو كانت الامواج فيها هايله

وعسى يذري عن معاصير الرياح
عفوك وجودك يامنجي سايله

حسن الختام يكون ختم الزايله

وما راح راح وخل ما راح راح
لا ترجي الراحل ونفسك راحله

والطاير اللي رازقه ربي جناح
ويبغى القفص راضي يعيش بداخله

ما تستثيره يوم نسمات الصباح
ولا شوفة الوادي ولا مسايله

اقولها عن جد ماهي بالمزاح
والله صف الريش ما يستاهله