كلمات أغنية افخري يا دار
- كلمات
- ماجد العواد
- ألحان
- نادر الشراري
افخري يادار في حكم اخو نوره
وارفعي رايات عزك يابلادي
كل عام وانتي بعز معموره
وكل عام وانتي اغلى في فوادي
ياوطنا لك بوسط القلب صوره
وكلنا لك حزة الهيه نفادي
نفدي ترابك وحنا حد سوره
ونلبس اعدانا من ثياب الحدادي
كلنا بأمره ليا نادى المنادي
كلنا في حزة الشده صقوره
الحرار اللي تنومس بالهدادي
ويامحمد ياذرى الشعب وسروره
فيك أملنا ياعمى عين المعادي
ياسديد الراي والنفس الجسوره
ياقيادي مايحب الانقيادي
امره من دماغه الاصوك صدوره
لاعطى كلمه عليها الاعتمادي
نفسه لداره واهل داره غيوره
منتشل في كفه جذور الفسادي
رابط جسور الحضاره والبوادي
والوطن حنا ترى حده وسوره
كلنا حزم وعزم راي ومبادي
ماخذين في سما الامجاد دوره
ومن طمع في درة ال سعود غادي
علموه الحد والدار محضوره
نجد ماتبغى سوى راع الشدادي
اخو نوره شع بأرض العدل نوره
ناشر البيضاء عقب وقت السوادي
يوم جاها كانت بجهل محشوره
لين روضها على درب الرشادي
بين امان وامن ونفوس مغموره
بالرخا والعز تنمو بازديادي
الولاء للدار مايبغى مشوره
لادعانا نوقف بوجه الاعادي
كل عام وانتي بعز معموره
وكل عام وانتي اغلى في فوادي