كلمات أغنية وصيت قلبي عليك
وصيت قلبي عليك وفكري وظني
ان غبت عنهم عليك عتابهم هادي
ما ودي تجرح شعورك كلمه مني
وانت حياتي وعمري ومهجه فؤادي
ودي تعيش العمر راضي ومتهني
مرفوع راسك عليك العز متبادي
يا تاج راسي وانت مني وعني
تامر وتنهي وامرك اول البادي
يا شوق روحي وقلبي وقطعه مني
عتابك الطف من النسمه على فؤادي
مايجرح القلب الا غيبتك عني
والا عتابك يشابه طبعك الهادي
انا اهتني يوم اشوفك انت متهني
واشوف نور الهنا بطلتك بادي
ما يختلف فيك ظني يا حسن ظني
دايم وفي معي يا ورده بلادي
من كثر خوفي عليك الخوف يمحني
وافقد شعوري واشوفك غايه مرادي
ان غاب صوتك انادي الليل واوني
واتخيلك واتذكر هامه بلادي
مديون لك بالغلا والحب مشكلني
يا مستحل الفؤاد العاشق الغادي
من يشبهك في البشر ياذوقي وفني
ياراحتي وبسمتي موتي وميلادي
لا تخاف مني ومن قلبي اذا وني
اكيد مشتاق لك يا غايه مرادي
ما يتعب القلب غير الشوف لكني
اصبره بالقصيد وصوتك الشادي
انا احبك واحبك من صغر سني
ما ابالغ ان قلت لك من يوم ميلادي
اكبر واللي كبر غلاك اللي مجنني
غصبن على عيون حسادك وحسادي
وصيت قلبي عليك وقال متجني
احذر غيابك على قلبي ماهو بعادي
لا توصي القلب اللي بالشوق متعني
ما دمت احبك عتابه ماهو بعادي
عتاب قلبك على حبك يطمني
خله يعاتب انا سلمته فؤادي