كلمات أغنية مالك رجى ياقلبي
مالك رجى ياقلبي فيهم ولالي
حيله على نسيانهم لو تناسيت
راحوا وانا عايش وحيدن لحالي
تايه ولا لحظه بعدهم تهنيت
هذا جزا من كان يسهر ليالي
ياما عليهم في دجى الليل ونيت
لجل الوفا اشقيت فكري وبالي
كلن نسى الماضي وانا اقول ياليت
راح الزمان الي نعيمه صفالي
مثل السراب الي من اجله تعنيت
صار الشقا والهم فوق احتمالي
عقب اتصافي بالتجافي تجازيت
ماباقي الا ذكرهم في خيالي
ذكرى تجيني كل مصبحت ومسيت
ياقلب لا تبكي على ضيم حالي
انسى ترا مالك رجا وان ترجيت