كلمات أغنية طاوعك قلبك تغيب
طاوعك قلبك تغيب وتهجر احبابك
تنسى غلاهم وتتركهم وتنساهم
حرام تترك خفوقي يشكي غيابك
وانته في قلبي اعز الناس واغلاهم
ناديت والصوت لا شتت ولا يابك
يا سيدي يا عديل الروح يا فاهم
وانته بوجه اشتياقي تغلق ابوابك
وانا اقرب الناس الى قلبك واوفاهم
نسيت حتى تقول شفيك وش صابك
يوم الالم عذب عروقي واشقاهم
بديت ناس على ناسك واصحابك
ما اتعبت نفسك تدورهم وتلقاهم
نامت عيونك ونام الليل باهدابك
واللي شكوا غيبتك ذا النوم ماياهم
زادوا على جرحهم كم جرح باسبابك
وان اقبل الليل صوت الجرح صحاهم
ارسل لك عتاب قلبي واحسب حسابك
وابياتي البيض دايم باسمك ابداهم
يجبرني الشوق يجبرني على عتابك
واتمنى تقرا ودادك قبل تقراهم
لمت الخفوق اذا قابلت هلا بك
يا اطيب الناس في عيني واغلاهم