كلمات أغنية شدوا العربان بالكلي
شدوا العربان بالكلي واتركوا ذا الروح ولهانه
مادروا وش بالحشا حلي م الفراق وحر نيرانه
مستليع وحالي اعتلي والحشا شبت به احزانه
دمع عيني سال وانهلي يوم قفت عني اظعانه
ويل من هو عقبهم خلي ضايع عقله وبرهانه
وابعدوا بالغالي الخلي واجبروه ابهجر خلانه
بوجديل طيبه ايعلي ينشرى لو غليت اثمانه
يسكرك من ريحه الفلي لي ما ظهر والكوس طلانه
ما خذ م الزين ومخلي كمله عن كل نقصانه
اطرب الشوفه ولا املي وارخص الغالي على شانه
هو شفاي وشمسي وظلي راضي فى حكم سلطانه
يعل يرجع لي مود لي ما تخلف الناس ميزانه
وين بلقى عقبك امسلي يا شبيه الريم فى اخوانه
احتفظ بالود يا خلي لا تهدم رص بنيانه