كلمات أغنية حي بالبيوت
حي بالبيوت وحي من هو نشرها مثايل ذربه وعدل معناها
خصيتني واثني واقدم شكرها يا ذا الحبيب اللي تعرف معناها
ترحيبي عد ما يخط بسطرها واعداد ما تذري الذواري ذراها
مثل الطبيب اللي يعالج بصرها يبغي يعالجها سعى في عماها
روح المولع دايم في خطرها ومن هيرهم ما نالت الا شقاها
ان كان فضغ الريش يوجد وسرها والا كسور العضد يصعب دواها
اصبر على ما ياك واحمل خطرها عقب الكدر لا بد يحصل رضاها
هلت مخيله واكثرت من مطرها ومن يريها شلت رواسي حصاها
ودموع عيني سايلات كثرها فاضت كما الغدران من زود ماها
ارعى نجوم الليل واسهر سهرها لين النجوم اتغيب في منتهاها
اير وناتي واردد زفرها وفي اليوف ضيان تزايد لظاها
فاضت بيوت الشعر لو باحكرها واعرف وزن القافيه وامعناها
لو غاب نجم اسهيل يظهر قمرها شمس الضحى ما وقفت في سماها
لو يرخصون الحب جمله بشرها نحنا نصعد سوقها في غلاها
يا شبه عنزالريم واحلا خصرها ومن المك تاخذ مثايل قطاها
والاكما عذرا تزاول خدرها تاضي ما البلور يعشي سناها
والاكما الغزلان لوما شعرها والعين احلا عين لو ما بكاها
والصدر مالي والترايب مزرها والخصر مجلود شرى اللي طواها
وردوف تكسيها اليدايل حدرها فرع يغطي داجن من وراها
زمت شباب وتوها في صغرها اترف من الخفرات ياما حلاها
ريض وترعى في دقايق شيرها في روض وسمي وتوطا ثراها
في دارها ما ذارها اللي قذرها ام الغزيل والولايف وياها
ريح الخزامى والبعثري نثرها هب النسيم وياب ريحه شذاها
يعل الحيا يسقي فيافي قفرها رحمه من المولى الاهي عطاها
يعله على الدوله يملي غدرها يسقي المحاضر والمغاني ملاها
وغرب الى الظفره وسقاها كثرها حتى الرمال الشامخه من وراها
يحيى الهشيم الباليه من شيرها وتسمن خواوير وتطول ذراها