كلمات أغنية امتي

امتى انا يا ناس اعمل حاجة ليا

من زمان شقيان طالع عنيا

بتمنى لو مرة ما تضحكش عليا

حلمي اعيشه في يوم يبقى في ايديا

متغرب بعيد على طول انا لوحدي

تعبان م الفراق والناس اللي بعيدة عني

فين الحبايب اللي كانوا ساندني

مش عايزة اموت ومحدش يكون جنبي

دايما كل اما احب الاقي فيه خداع

ملايين الناس شايفة حالتي في الضياع

ما بقتش امن تاني من كتر اللي باع

بحلم يبقى جد جنبي وما يقولش وداع

طب اروح لمين ولا مين واشكيله

مفيش حد حاسس بيا يمدلي ايده

رب العالمين هو بس اللي ادعيله

عارف ايه جوايا دايما من غير ما احكيله

نفسي اشوف عيالي بيكبروا حواليا

حتى لو معايا بتشتاق ليهم عينيا

بفكر في مستقبلهم انا كل شوية

مش عايزهم يتاذوا زيي انا من الدنيا

بتمنى ان يجمد ساعة ومش قادر

متوتر قلقان ودايما انا خايف

كله شايف السعادة وانا مش شايف

هما بيتحركوا وانا بس اللي واقف

امي راحت مني ما بقتش معايا

اجمل ايام لما كانت ويايا

راح الحضن الدافي اللي كان ساكن جوايا

قلبي اتوجع لما دي كانت النهاية

وانا شعري شاب م العذاب والجراح

هبكي ع اللي جاي ولا ابكي على اللي راح

تعبان من جوايا مش عارف ازاي ارتاح

حابس الكلام مكبوت مكسور الجناح

طيب نعمل ايه في الحياة تاعبانا

كل شوية ليه هي ليه قارفانا

مش عارفين نعيش زي الناس الفرحانة

طول هموم مش قادرين بامانة

عايز تبقى مرتاح ومش شايل الهموم

افتكر ربنا واستغفرله كل يوم

هتلاقي الحياة سالكة رزق كتير بالكوم

دي المركب للبر في بحر تعبت منه عوم