كلمات أغنية انتي الخيرة

یا عظيمة قالوا العشاق عن فوضى هيامي
كل ما تجرح سنين الياس فرصته الاخيره

يا عظيمة ذاب من صمتي حنين وجيت ضامي
انتي الخيره وانا اللي قال للايام خيره

یا عظيمة لو يطول الدرب وتزيد الاسامي
لك علي اقدرك واحن لـ اشياك الكثيره

یا عظيمة وانتي الغاه وانا شاعر عصامي
من سمحلك تضحكين وتطلقين اخر ذخيره

الاسيره وش تبي من قائد الثوره المحجوبه

الاسيره دربها واحد ومسعاها ختامي
مير وش عذر الملك لا يحقق آمال الاسيره

سامحيني واسكني قصري وابادلك احترامي
واذخريني للسنين السود وعيونك بصيره

درب واحد ما يكفيني ولا يبلغ مرامي
الطموح اكبر من حدود الفضا والمستديره

يا وجودي يا صخب دنياي يا راية سلامي
يا يقين الشعر يا بصمة وفاه وشك غيره

یا عظيمة مدي احلامك على صدري ونامي
واستريحي شاعرك مغنيك عن شبه الجزيره