كلمات أغنية جدعان طيبين
جدعان طيبين
وبقلب ابيض كبير
كلمات غريبه عني
مبسمعهاش كتير
يمكن صادفتني مره
ففلم قديم كتير
اوحتى فيوم قريتها
فميكي او سمير
كلمات طلعت مهمه
خلتني شخص غير
كانت حياتي فاضيه
جوينت فجوينت فجوينت بطيير
وبوك ع ال فيس بوك
نيو لوكتفاههاي دونت كير
لا عمري كان لي هدف
بس جبت اهداف كتير
فيفا ووينينج الفين
والجيمز ايفري وير
فين الربايه فين
لا ربيت شعري الكبير
حددت ايه فحياتك
دقني فقط لاغير
فجاه حلقتلي الدنيا
تقولش اشطر حلاق
وانااللي مابكيتش عمري
من وقت ماقولت وااء
عشت ايام مش فبالك
زي الجحش فالسباق
عيشت عيشه صعبه ناشفه
عيشه خلت خلقي ضاق
اتبهدلت اتعذبت
قالوا عني خلاص حموت
اتهزقت و استحملت
برضواقالوا انا شاب تووت
لحد ما عشت انا وسط شله
وقفو جنبي بدون شروط
وطلعو ناس كده ماللي هي
دوغري دي فقلبك تفوت
جدعان وميه ميه
جدعان بجد تووووت
وقلوبهم بيضه صافيه
حقيقي جامده مووت
ونفوسهم برضه اغلى
مالدهب ومن الياقوت
مليانه حسن نيه
وكرامه بدون حدود
ومحبه من اللي هيه
بتعمر البيوت
جدعان طيبين
وبقلب ابيض كبير
جدعان وميه ميه
وقلوبهم فيها خير
معاهم شفت طيبه
وشوفت كل خير
وبقيت شخص تاني
بشوف الدنيا غير
ميهمش انت مين
هو افر اي دونت كير
لولابس دبله فالصو
او خاتم سوليتير
مولود فقلب حاره
اوكنت ابن وزير
لو تشرب معدنيه
او جنب بيتكو زير
او بتسقع فقله
او جوه فريجيدير
نايم بمخده ريش
او نايم عالحصير
تمشي فنادي الجزيره
بلابرادورك الخطير
او غيه بغدادليه
بانواع حمام كتير
زاجل او كان مراسله
شقلباظ يقلب يطير
كركندي عبسي مصري
وكشاكوا بطراطير
بتقسط كل حاجه
او كان كاشك وفير
بتضرب كورس ديكا
او هرمونات كتير
منفض للرياضه
بكروسات و صراصير
لو تاكل توست ماركه
اغلى من دسته فطير
او تاكل المدعم
فطابور مالوش نظير
لو ابيض شق لفت
او اسود فحم كير
لو اقرع زلبطه
اوشعر افرو غزير
عندك عربيه كارو
او عربيه و شوفير
اوكنت بتحكي عربي
او تحكي لغات كتير
بتسمع باند غربي
او طبل وزمامير
لو كنت ده او ده
وفلحظه انا فيها فير
دي اهم حاجه فيكو
وبقولها ايفري وير
جدعان طيبين
وبقلب ابيض كبير
جدعان وميه ميه
وقلوبهم فيها خير
والجدعنه مش هتاف
ولا بهز الكتاف
مش فقر ولاغنا
لا طالعه من قلبنا
و مقويها حبنا
وخوفنا على بعضنا
قوللي احلفلك بايه
ولا ليك عليا يمين
دي الناس هنا يابني ناس
جدعان و طيبين
ده طبع والله فيهم
يساعدو المظلومين
مايهونش ابدا عليهم
يشوفو مجروحين
يعني المهم قلبك
يكون عمران بخير
وتساعد اللي جنبك
غني اوكان فقير
وتوريهم جدعنتك
واصلك الكبير
دي الجدعنه يابني كلمه
شامله حاجات كتير
جدعان طيبين
وبقلب ابيض كبير
جدعان وميه ميه
وقلوبهم فيها خير