كلمات أغنية بتبدا الحكاية

بتبدا الحكاية بكلام جميل قوي
بيقول عايزك معايا وبقول عايزك قوي

ونتواعد ونتقابل وبنسلم ومن جواه وجوايا
طول الليل بنتكلم في مليون قصة وحكاية

انا احكيله عن اللي فات وهو يحكي ذكريات

وبرتاحله كأني لقيت طريق نفسي قوي يطول
وهو يقولي برضو ياريت لقينا بعض م الاول

تحس ان احنا مش قلبين دي حاجة واحدة واتقسمت

وبرمي كل وجع الدنيا والماضي ورا ضهري
واقول يا قلبي جالنا خلاص حبيب قدر تمن مهري

ولحظة ما الامل بيكون واصل بينا لخيال مجنون
لازم بتلاقي حد يهون على التاني

وبنطلع في بعض عيوب وبعد 200 مسج بقلوب
تيجي رسالة وفيها مكتوب انساني

وبنصحى على الحقايق وكلام يجرح يضايق
ونلوم في اخر المشوار ع الدنيا والقدر

وبنصحى على الحقايق وكلام يجرح يضايق
وكتير بنحمل الاقدار غلطاتنا يا بشر