كلمات أغنية ست الناس
صحاب بتضر الكيف بيغر خلانى انسى الناس
دنيا عنيدة كتبتها خيبة سحرت عيون الناس
انا عندي طيبة دنيا غريبة
شقلبتي حالي خلاص
كل البشر غدارة الا انتي ست الناس
انا كتفي شال من ناس شمال جايين يابا عليا
لكن بسامح انا اصلي صالح والدنيا بتطوح فيا
العيب دة ذنبك ولا دة ذنبي ورثت منك حنية
طيب يابويا وعلى نياتك زرعت فدادين حنية
اتنين في واحد قلبنا جاحد ع اللي يفكر يعادينا
صحاب جدعان ابطال فرسان ولا يوم بنجرح بعضينا
بنحب الخير علينا في الغير ولا حد فيكوا خيره علينا
ابطال في زمان مافيهوش جدعان عملنا نفسينا بنفسينا
حضر خابور وقف طابور اعلن حضور اصحابي
اصحاب كيوف حتى الخروف بيجيب في سيرتي غيابي
جمعت مال وزعت فيه والكل بقوا احبابي
خلصت فلوسي بقيت وحديا والكل فجأة رماني
بحر ذنوب انا نفسي اتوب بس البشر مش حالاني
اخطاء كتير وذنوب في بير والدنيا فيه رامياني
ماشي في طريق ماليش شقيق
والكل سابني في احزاني
حتى القريب صبح غريب وزود همومي واساني
كان ياما كان كان فيه زمان لمة وفيه اصحاب
كانت تصون ولا يوم تخون ولا يوم بتقفل باب
دخل الشيطان نشر الفساد اتقلبت حال الاصحاب
وزع سموم بين دول ودول واتفرقوا الاحباب
ضحك الشيطان حبوه كمان علشان دة كان موهوب
نشر الفساد بين الصحاب كله شال في الذنوب
قصة فساد والشر زاد في الدنيا بقى مطلوب
طب توتة توتة مفيش حدوتة دة زمانا مش فيلم ومكتوب