كلمات أغنية عالمي كله

يا منى روحي وغاليها
والغرام اللي سكن فيها
يا هناي وعالمي كله
واول أيامي وتاليها

هبت النسمات شتويه
والمحبة نارها حية
ليلة بالشوق تجمعنا
والقمر من فوقنا ضيه

بين كل العالم أنت اللي
حبي ومعشوقي وخلي
وأندفع لك بالغلا كلي

لا ابتسمت تبسمت روحي
وانجلت عن صدري جروحي
مصدر أفراحي وراحاتي
إنسي وسعدي ومربوحي

في عيونك زايد هيامي
في كفوفك دفوة أيامي
ظامي قلبي على وصلك
من وصالك أروي الظامي

عن شتاي وبرده وجوه
خل وصلك تشتعل ضوه
لا تخلي شي في الخاطر
كل لي في خاطرك سوه