كلمات أغنية احترت فيك

يانور عيني والله ان قــدرك ثمين
يا أرق واجمل من عرفته بالحياه

محبتك تجـري مع حبل الوتـين
ولافيـه احد غيرك يشد الانتبـاه

فـرقك ربـي عـن جميـع العـالميـن
مالــك شبيـه لا فالارض ولا سمـاه

فديت انا ذيـك الملامح والجبـين
اللـي تلد العيــن من شده ضيـاه

وقصيدنا ينقش على صم الصفـاه

وصفــك يسـاوينا مع المستشعرين
حــتى لـو ان حنـا شواعيـر ودهـاااه

ودعيـت ربــي بالغـنـا قـبل سنتين
وجابك وانشهـد جيتك هي الغناه

واحـترت فيك الصدق ياربي تعين
العقل عـــديتـي طبـيعه مستواه

ملاك مدري انس مدري حور عين
عزالله ان اللي يشوفك صدق تاه

لاجيت اشبه ماعرف من تشبهين
مايشبهك ياكــود عكسك فالمراه