كلمات أغنية يا مرحبا

يا مرحبا ياللي بقلبي مكانه اللي يغيب وداخل القلب موجود
اللي تفز عروق قلبي عشانه وما تبعده عني ميادين وحدود
ضناي ياللي في خفوقي امانة يا رب لا تبعده عن كل منشود
احس قلبي فز باقصى مكانه من يوم زفوا لي الخبر فيه مولود
الضنا زينة العمر في كل حال قالها ربنا في حكيم المثال
انعم الله علينا بفضله وقال حظ كاسب صلاح الذرية كبير
يا قطعة الروح الغلا كيف شانها لا شفت زولك ينتثر دربي ورود
ياللي حشاي و في نثر له حنانه يكبر ويكبر له غلاه خافقي زود
هان له العنى لاجل ارى بسمته كل ما بتعنى لاجل راحته
دق قلبي وحبه وصوت دقته نور عيني وقدره بهالعين غير
وصيتك البر وعلى الله الاعانة والعود وحده غير عن حزمة العود
لب المنادي لا صدح في اذانه و لا تتبع الا سكة الطيب و الجود
امر ربك وهو مالك كل الملوك ومن زرع بذر خير حصد كل خير