كلمات أغنية تقاطع

بتحاول تدور على إجابة مش بتلاقي

في الوقت الحالي انا في تقاطع وانا بتقطع لازم اختار
هل هبقي الصفحة الأولى ولا المصيبة ف موجز الأنباء والأخبار
دخلت المجال دا بالصدفة لولا الطاي ماكانوش شافوا مروان
كل ما الساعة بتتكلم بفهمها اكتر الزمن قلاب وغدار

ابدأ منين مرفه عديم الإحساس ولا الاتنين
سنين شقيان ع الفاضي علشان أثبت بس للناس انا إيه
انا اللي روحت وجيت انا الرحال اللي بين كذا بيت
انا اللي عيشتي اتقسمت نصين بعيش فيها كأني اتنين

لو قولت لجريدة الشروق ع الألبوم يرتبوا ليا مؤتمر
صورتي Screensaver صاحبتي بس عندي مش هي ع ال Cover
قسمنا المصلحة 5050 مية مية يعتبر

مش طايق حياتي عشان كأبنجي
ربع انتقاد ف وداني انا همشي
شايل جبال وانا شايل همي
شايف سواد ودا العادي انا عندي

سلبيات انا سلبي
اكتر من كده بكتير انا معبي
شبك عناكب شبك في قلبي
سنين شبابي ضاعت مش ذنبي

جم سلموني المسؤلية في ايديا ماكانش سني ولا كان وزني
شيلت البيت بلا باي ولا بينش ف جسمي ولا تمرينة تجهزني
شايل ف صدري واخد على خاطري لحد ما جنون العظمة خدني

حبيتها بس راح كله في العدم
اتشقلبت وماكانش عاجبها العجب
صحابي قالوا دا ماله دا اتهبل
ماريو اتدلق فين أيام الخجل
يمكن دافناله كام شعرة في الجبل
ما القلب أعمى يا حبي ايه العمل

حبيتها لحد ما علت صوتها ومابقيتش ف عيني القطة
لما بتشوف وش القمورة التاني ممكن تقصر المدة
ممكن تخضك بعديها تيجي وتقول لك كنت بحاول أصدك
بيبي والله العظيم انا الدنيا دي بحالها مافيهاش اللي يسمعني خطبة

بياع شغال انا sales خد تخفيض مش همسك ف حد
الباب يفوت حوت ف ماتحسسنيش إن سيادتك دافعلي الأجر
واللي بيترسم كإن مفيش منه اتنين لو جالي هنتكسك بجد
مع إنه مش مستحب انا احسن لي مادخلش في دراما واكمل عد

فلوس نشتري بيها حرية
عروض غريبه مغرية
مجالنا زي البورصة
الأرتيست هو السلعة اللي فيها مودية

حاليا جاضض ع الدنيا
بص في عينيا فيها تبريقة غبية
محتاج هذه العقلية
روح التحدي الحاجة الوحيدة اللي فيا

الوحيده اللي فيا

اه يا زميلي حرفيا

حاليا جاضض ع الدنيا
بص في عينيا فيها تبريقة غبية
محتاج هذه العقلية
روح التحدي الحاجة الوحيدة اللي فيا

النهارده انت تريند
بكرا ال End
هتروح مني فين
انت ليه نفسنت

انا في الچيم
انا اتحسنت
برو ماتقارنش
مازلت انا الكينج

النهارده انت تريند
بكرا ال End
هتروح مني فين
انت ليه نفسنت

انا في الچيم
انا اتحسنت
برو ماتقارنش
مازلت انا الكينج

شبابيك جوا عيوني
حواديت حكيتولي
مش ماشيين ف مواصفات
من فوق نازلين بالمظلات

حياة مسلسل انت الحلقة الكام
بسيبها وأقلب يحصل قلبان
الحقد ملا الذات ودي مش ملذات
و إحساس الكره زاد بلاش دا بالذات

بحاول اشوف كلمة جديدة جديدة
Vibes بليل غريبة غريبة
سواد ودوامة هتجيبك هتجيبك
قدامي دي فرصة أخيرة أخيرة

شبابيك جوا عيوني
حواديت حكيتولي
مش دريانين من فين رايحين
من الطريق إحنا تايهين

ف بتوصل للمرحلة التالتة