كلمات أغنية عنبر يسمع
- كلمات
- الشاعر الفاجر
- ألحان
- مروان الزعيم
اصحي ازميلي وركز ليه
ماتشغلش الحلوه عليا
الدنيا ساعه ومالها امان
مكسب ليك وخساره ليه
الناس ماشيه بست وشوش
نص غلابه ونص وحوش
عالم شعاره خالف تعرف
بيعلي فيه صوت الخرطوش
عنبر يسمع خد امسجون
سجن يساع الميت مليون
اوعي تفكر ولاتحتار
عيل طايش سنه قليل
عنده الخبطه توقع فيل
حلمه المال والشهره كمان
اختار سكه تهد الحيل
راح لمعلم تاجر كيف
قاله انا حلو وخفيف خفيف
نفسي اكون تاجر زيك
وانت عليك بس المصاريف
رد الراجل قال اوكيه
خدلك كيس استفتح بيه
وان اثبت الخبره يامان
راح نعملك هنا ابونيه
الكيس بقي بيجر كياس
بقي متسيط عند الناس
بقي شغال لحسابه وبس
المليون جاب فوقه اتنين
اخصامه صاعبين مش سهلين
راحله معلمه قاله ياغالي
عايزك بس في كلمتين
قالو اتكلم ابي عينيا
مشغول متطولش عليا
قاله ياصحبي اصول الشغل
انك تدفع ارضيه
قاله براوه ياغالي عليك
ناقص اغسلك رجليك
اصلي عنيف ولا ليه كبير
هديك طلقه وده التقدير
قتل البب العو الجن
علي ايد شب صغير السن
في مشاجره وادت الي موت
خرطوش مش خنصر واتسن
اخدو الظابط نسر الغابه
بعد ماقتل الي اسمه البابا
قاله ادخل حجزك ياجميل
حظك وقع وسط عصابه
دخل الصغير وسط الابطال
عمله عليه الاستقبال
بقي يضرب زي النطاط
الابطال اتقلبو عيال
بعد ماخدو كل البصمات
من الحجز يروح عل الجنايات
اصلي السته الي انتدبوه
واحد فيهم خبطو ومات
بين اسوار وحديد وطوابق
اي مؤدب يبقي سوابق
جوه السجن حياتك لعبه
علي انفاسك وبتتسابق
جاي في واحده بقيت في تلاته
بعد الشبر سرير وبلاطه
اياك تعمل خايف مره
هتروح علي كفنك ف رباطه