كلمات أغنية انا الاب
- كلمات
- محمود طلعت
- ألحان
- وليد منير
أنا الأب اللي طول الوقت
غايب غصب عن عينه
وانا اللي بيدعي على
همه تملي ربنا يعينه
أنا الشيال وانا البقال
انا الاستاذ وانا الدكتور
وانا الواقف على رجليه
عشان العيش ف قلب طابور
انا النجار وانا البواب
وانا القاضي وانا المأمور
عشان بيتي بلف وادور
انا اكتر حد ف وجوده
ولاده بيسألوا فينه
أنا الأب اللي طول الوقت
غايب غصب عن عينه
وانا اللي بيدعي على
همه تملي ربنا يعينه
انا الشقيان عشان تاكل ولاده
تملي رزق حلال
انا اللي وجوده ف حياتهم
ميتقدرش عمره بمال
وصوت مفاتيح ف قفل الباب
بيجروا عليه ويتسابقوا
يحسوه لما يتقابلوا
أنا الأب اللي اولاده
بتمشي ف كل شرايينه
وانا الأب اللي طول الوقت
غايب غصب عن عينه