كلمات أغنية الحباية
الحباية محمود الحسيني
كنت رايح شغلي بدري
قابلني صاحبي اللي اسمه قدري
قالي يا عم مالك شكلك مش عاجبني
قلتله مفيش حاجة يا ريس غير اني منمتش كويس
قالي الحل عندي سيبلي نفسك سيبلي
عشان انت غالي عليا خد الحباية ديا
سمعت كلامه وخدتها لقتني مش على بعضيا
انا مالي انا مش متظبط
رجلي ف بعضيها بتخبط
م الحباية خيالي بيجري ورايا
م الحباية ملقتش دماغي معايا
مش عارف ليه متلخبط انا عايز افوق كفاية
تامول ولا ترامادول ولا حباية فراولة
انا خدت ايه ما تقول
روحت البيت لمراتي وبخبط ع الباب
فتحتلي الست حماتي قولت الليلة هباب
وقالتلي فوق يا منيل قولتلها مشيت ورا عيل
اداني برشامة اذاني خلاني بقيت متحول
لساني تقيل عيني بتفنجل والدنيا نهار والليل ليل
ساكن في التاني ولا الأول انا عايز افوق
طالع قدام ولا انا برجع بضحك للناس وانا بتوجع
والدنيا بتشتي وانا مولع انا تحت وفوق
م الحباية خيالي بيجري ورايا
مش عارف ليه متلخبط انا عايز افوق كفاية
تامول ولا ترامادول ولا حباية فراولة
انا خدت ايه ما تقول