كلمات أغنية بابك

گالولي بابك للكرم منبع
جيت وشفت فوگ اللي أتوقع
واللي يشوف الجود بعيونه
مو مثل من بس بالحجي يسمع
مو مثل من بس بالحجي يسمع

إنته مضياف الهواشم
يالكريم ابن الأكارم
كلمن الدارك تعنه
تخلي بين ايده العوالم

ياللي ما يدناله حاتم
وابعكس كل السحايب
غيثك ابكل المواسم

فاز كلمن إجه الدارك
يمحيي خطارك
ما يخيب اللي زارك
فاز من يتبع آثارك
وانته حمى الجارك
ما يخيب اللي زارك

بابك يظل صبح ومسا امشرع
بالصدفه لو سده الهوا تجزع
واتقلعه من جدرانه بايمينك
جنك علي الباب الحصن يقلع
جنك علي الباب الحصن يقلع

گالولي بابك للكرم منبع
واللي يشوف الجود بعيونه
مو مثل من بس بالحجي يسمع
مو مثل من بس بالحجي يسمع

ياللي ما اتهمه الزعامه
سيرتك عزه وكرامه
وانته حتى اللي يضدك
إلك يشهد بالشهامه

سفرتك تملك علامه
تزدحم بيها اليتامى
ما يجي المهموم دارك
إلا وايرد بابتسامه

جود للقاصي والداني
واحد بلا ثاني
إنته كل الأماني
جود من زغري يرعاني
بيك ارتفع شاني
إنته كل الأماني

جود البشر من جودك اتفرع
يا لخزنتك تكفي البشر أجمع
ملكك تنزعه وتنطي لضيوفك
مو عجبه يابن الفارس الأنزع
مو عجبه يابن الفارس الأنزع

أدري ما ألگى المذله
وماي وجهي ما أبذله
يسبگ السائل عطاءك
لحظه ما رايد تفشله

ياللي وين انلاگي مثله
يخجل امن اللي يسأله
تعطي للمحتاج كل شي
تملكه وهم تعتذرله

جيت باسطلك ايديني
من نبعك اسگيني
بالشدايد معيني
جيت إنته اللي تكفيني
تقرا الحجي ابعيني
بالشدايد معيني

كلمن گصد غيرك إلك يرجع
والجنه ما تتساوى بالبلقع
إنته الحسن ما يخفى إحسانك
وانته الذي وكت الشدد تفزع
وانته الذي وكت الشدد تفزع

گالولي بابك للكرم منبع

أغاني أخرى لـمحمود اسيري