كلمات أغنية ما بين البر و التاني

ما بين البر و التاني
مع الخلان و وحداني
اودي و اجيب حبيب لحبيب
و مين لحبيبي وداني
ما بين البر و التاني
حكايتي في الهوى حكايه
لغير البحر ما احكيها
و لما يعدوا ويايا
عن الاحباب اخبيها
و اشوفهم نالوا امانيهم
اقول يا رب هنيهم
و لا تشمت عزول فيهم
و اروح و ارجع لحرماني
اودي و اجيب حبيب لحبيب
و مين لحبيبي وداني
ما بين البر و التاني
امر من الصبر صبري و انشغالي عليه
و احر م الجمر لما يحن قلبي اليه
و فرحه العمر لما تشوف عينيا عينيه
تايه ما بين السما و الميه في غيابه
و غريق في بحر الهوى
ما تحوشني الا ايديه
اودي و اجيب حبيب لحبيب
و مين لحبيبي وداني
ما بين البر و التاني