كلمات أغنية في نور الله
في نور الله
قصدنا طريق
بقالنا سنين
بنتمناه
لقينا وادي
عمر ما حد قصده و تاه
و مين هيتوه في ارض الله
و بيت الله
ساعتها الشوق عاودني
و امل العمر راودني
لقيتني بقول له اوعدني
و حياه حبيبك يا رب
يا رب الكعبه توعدني
سبح الخيال في النور
و بقيت في اكرم دار
فيها الكرم مبدور
اكتر من الزوار
و فضلت اطوف و ازور
و اقول له يا ستار
مين يعفي عني غير
واحد احد غفار
و رحت زمزم رويت
عطش الندم بالميه
و مشيت بروحي و سعيت
بين الصفا و المروه
و الفرحه باتت في منى
و ازاي يجيلها نوم
و هي عارفه ان الدعا
رايحه له تاني يوم
و صحيت في نور الله
في نور الله
امم رايحه
امم جايه
على الايمان بتتواعد
ميزان الدنيا فرقها
و جمعها النور في توب واحد
على عرفات
طريق الرحمه و التوبه
قصدت كريم
لقيته رحيم
غفر لي الذنب ميت نوبه
و قلت له لبيك
لبيك لك لبيك
يا رافع السموات
انا روحي ملك يديك
برفعها لك درجات
حسيت بعين الرضا
شايفه و سمعاني
هتفت باسمك
يا مالك روحي و لساني
و دعيت لشعب العرب
و انا بين يدين الله
و قلت يا رب خلي
رحمتك وياه
و بحق جاهك تسند
يا الهي خطاه
و تكون معاه في الكفاح
على كل من عاداه
و نزلت ارجم شبح ذلي و عصياني
و ارمي عليه الحصى نار
زي ما رماني
و ف موكب الرايحين
لك يا بني الاسلام
ملايين جمعهم دين
على نور هدى الاسلام
قلوب هايمه
عيون صايمه
دموع سامحه
فردها الشوق
على خدود الايمان سارحه
عشنا لحظه في صحايف خطوتك
فوق الرمال
شفنا نور الحق جنبك
و انت بتحارب الضلال
نور كان له صوت
بيملى الدنيا من سحره الحلال
صوت يقول
الله اكبر الله اكبر
زلزلت منه الجبال
انت اول من نطقته
و رددوا بعدك تلال
و صحيت في نور الله