كلمات أغنية يا اللي انت بعيد
ياللي انت بعيد
والنار بتزيد
والقلب شبكته ونسيته
طال بعدك ليه
ونويت على ايه
ياخوفي لاتنسى اللي هويته
ياللي انت بعيد
انا اللي قلبي عمره ما مال
الا لما شافك يا حبيبي
سلم سلامه ساعتها وقال
لقيت منايا ونصيبي
وعنيك ياجميل
بعثت مراسيل
وفهمت كلامها ولاغيته
اه ولاغيته
كان الميعاد
شهرين اثنين
حلفت ترجع بعديهم
من يومها فاتوا كام شهرين
عديت في قلبي ثوانيهم
ابعث لي وقول
بعدك حيطول
ولا حتعود للي جافيته
اه اللي جافيته
قالوا حبيبك جاي قريب
ياهل ترى حيصون وعده
ماليش سواه في الدنيا حبيب
يواسي نار قلبي فبعده
خايف الايام تطوي الاحلام
وتضيع املي اللي بنيته
اه اللي بنيته
بينك وبيني ياروحي بلاد
وازاي اعيش من غير روحي
ياما خلفت ميعاد وميعاد
غير اللقاء يشفي جروحي
واللي بقاسيه ع الناس باداريه
ويبان للعين مهما داريته
اه مهما داريته
ياللي انت بعيد
والنار بتزيد
والقلب شبكته ونسيته
طال بعدك ليه
ونويت على ايه
ياخوفي لا تنسى اللي هويته
ياللي انت بعيد