كلمات أغنية جاني اللي بحبه
- كلمات
- فتحي قورة
- ألحان
- محمد فوزي
استمع إلى أغنية جاني اللي بحبه على الفن
جاني اللي بحبه جاني وفرحت بقربه تاني
ومين ياقلبي ينسي حبيبه الاولاني
جاني اللي بحبه جاني
الدنيا في عيني ورده والليله عندي عيد
وفرحة النهارده خلقتني من جديد
والوقت بيجري مني وباخاف من بعده عني
ده حبيبي اللي كواني وفرحت بقربه تاني
ومين ياقلبي ينسي حبيبه الاولاني
جاني اللي بحبه جاني
علي حيرتي وانشغالي والوجد والحنين
قضيت سبع ليالي ينحسبوا سبع سنين
وبافكر في اللي فات في سنين الذكريات
ومين ياقلبي ينسي حبيبه الاولاني
جاني اللي بحبه جاني
صدفه ومن غير ميعاد طفيت نار اشتياقي
واللي يدوق البعاد يعرف معني التلاقي
دي حلاوة الغرام في الصلح والخصام
وباعني واشتراني وفرحت بقربه تاني
ومين ياقلبي ينسي حبيبه الاولاني
جاني اللي بحبه جاني