كلمات أغنية الحياه ثورة
الحياه ثوره من بدايتها
تنتهي ثوره يوم نهايتها
كلها ثوره سرها ثوره
واللي حببنا فيها ثورتها
الحياه ثوره واحنا ثوارها
لاجل جنتها نمشي فوق نارها
واللي يكسبها يجني ازهارها
واللي يهملها لحظه يخسرها
واحنا نهضتنا وانتفاضاتنا
اصلها ثوره والحياه ثوره
واللي حببنا فيها ثورتها
الحياه الحياه الحياه ثوره
ارض دنيتنا ليلها ونهارها
ثوره لحياتها ثوره لعمارها
لولا دورانها ايه يغيرها
م اللي يضلمها للي ينورها
واحنا كرامتنا وانتصاراتنا
اصلها ثوره والحياه ثوره
واللي حببنا فيها ثورتها
الحياه الحياه الحياه ثوره
والسما ثوره تيجي امطارها
تبقي فايدتها غالبه اضرارها
والبحور ثوره لولا تيارها
ما تلاقيش ميه تجري ف بحارها
واحنا ايه قوتنا تحت رايتنا
اصلها ثوره والحياه ثوره
واللي حببنا فيها ثورتها
الحياه الحياه الحياه ثوره
ثوره لبلادنا جت تحررها
هلت الفرحه ويا اخبارها
ثوره مبداها عدل وشعارها
ربنا بفضله عانها ونصرها
واشتراكيه بعد رجعيه
اصلها ثوره والحياه ثوره
واللي حببنا فيها ثورتها
الحياه الحياه الحياه ثوره