كلمات أغنية يا فؤش
- كلمات
- ملاك عادل
- ألحان
- محمد راجح
أنا كل ماخش بيتنا لوحدى وأطفى النور
ألاقى صورتها ماليه الأوضه والمرايات
قالولي عمل ومعمولك جابولى بخور
وبخرتلها ظهرتلي فى حاجات وحاجات
عملولى زار برضو ماطلعتش قاعدالى فى البيت
وبملح ومايه فى الشقه كلها رشيت
برضو مفيش فايده الظاهر أن أنا حبيت
دايما على بالى ومابتسيبنيش
روحت لناس خبرة وقالولى كل دى عكوسات
وجابولى ناس لفت حواليا وسبع لفات
مابقتش بتمشى من بالى وبقت بتبات
يادوب هارتاح وهاخد نفسى أسمع صوت
ينادى عليا ويقولى مانيش سيباك
أطير من خوفى ع الدكتور أقوله بموت
يرد عليا ويقول ده أكيد إرهاق
يادوب هارتاح وهاخد نفسى أسمع صوت
ينادى عليا ويقولى مانيش سيباك
أطير من خوفى ع الدكتور أقوله بموت
يرد عليا ويقول ده أكيد إرهاق
عملولى زار برضو ماطلعتش قاعدالى فى البيت
وبملح ومايه فى الشقه كلها رشيت
برضو مفيش فايده الظاهر أن أنا حبيت
دايما على بالى ومابتسيبنيش
روحت لناس خبرة وقالولى كل دى عكوسات
وجابولى ناس لفت حواليا وسبع لفات
شكلها كده حالفه ماتنيمنيش