كلمات أغنية شرع الهوى
- كلمات
- احمد حلمي
- ألحان
- احمد العتباني
عينيكي ليكي سلموني برغبتي التامة
بشويش مليش انا من زمان ف اللي ما يتسمى
الحب بالنسبالي ضعف وقلبي متلصم
ده أنا قلبي كان قافل بيبانه وم الهوى مرتاح
دخلتي بس ازاى منين طلعتي ع المفتاح
ف ثواني حللتي اللى كان ع القلب متحرم
العشق يظهر سهمه صابنا واحنا مش حاسين
رغم حسابتنا وترتيباتنا وخوفنا منه سنين
مين اللى صابه العشق يوم وقدر على عناده
دا قلوبنا مهما استقووا برضو بيضعفوا قصاده
شرع الهوى لو يوم نوى يجمع ما بين أتنين
ياما قلبي شاف حلوين كتير ولا حن يوم ولا مال
انتي الوحيدة اللى ف ثواني شغلتي فجأة البال
معرفش مالي ايه جرالي نفسي بس أفهم
فجأة بقدرة قادر اتحولت م العشاق
وبقيت بفكر فيكي طول الليل وانا مشتاق
وان نمت يعني دا لو حصل بيكى بقيت بحلم