كلمات أغنية يا بنات بلادنا

يا بَنات بلادنا
يا زاد عنادنا
يا مَد عروقنا
و غِنوة حُصَّادنا

نجوم الليالي
و القمر العالي
رَدُّوا موّالي
لبنات بلادنا

جَفرَات بثُوب الحُرّية
مطرَّز حَنُّون و طُرَّاح
شَالِنها عَالكِتف وشاح
إلهِن تِندق التحية
كُل ما رَف الطير جناح

حِنّة ع كفوف الكرامه
و كُحلتها العِزّة عَالعين
ما بتحني لليأس الهامه
مِغوارة بِنت فلسطين
رِبيَت على نخوة و شهامه
و ما يعلا ع جبينا جبين

سَمرة و الهيبات بفيها
يِكسيها ثُوب الإصرار
وعيوني ما شافت زَيها
تِشبه وَردات الجُلنار
يُغمر بَدر السَما ضَيها
و الزَهر إن ضِحكت بيغار

معلومات الاغنية
هذه الاغنية الثانية من ألبوم
#قصص_عن_فلسطين
و تحكي قصة بنات بلادنا
كلمات: ياسر حمد
ألحان: محمد المدلل
توزيع: اسلام دحلان
ميكس و ماستر: محمود عمر عمار
إشراف: أنس النجار
Media Production: (Version 9) Nour Al Shamaly