كلمات أغنية يا ناصر

اسمع كلامي لك يا ناصر وانا ابوك
من قبل صعبات الامور اتشابه
مثل الذهب حكي الى جاك مسبوك
تجارب والعمر فاتح كتابه
ترى الليالي بين هقوات وشكوك
مابين عدلات تجي وانقلابه
احسب حساب الوقت لا يبرك بروك
مهما صفى لابد تحسب حسابه

قبلك اباطره وسلاطين وملوك
الكل عقب العز وقته غدى به
وسلاحك اما صار جاهز ومفلوك
والا تجيك من الليالي اصابه
ودرب العمر وعر ومليان بالشوك
ولا يسقي الضميان شوف السحابه
وان جاتك العسرات لا تصير مضنوك
دنياك تبغى قوم عزم ومجابه

فل الحجاج وكل ما فات مدروك
ومنك الدعاء والله عليه الاجابه
وذخرك ولد عمك وعزوتك في اخوك
واطيب جمالات الرجل في القرابه
حذراك ماء وجهك الى صار مسفوك
يصير مالك بين ربعك مهابه
ولا تصير عبد المال والعبد مملوك
المال محدن ياخذه في ترابه

وما هوب راس المال ما ترصد بنوك
الطيب راس المال في كل جابه
ترى الغنى ما هو عمارات وصكوك
اغنى غناه الرجل لا فتح بابه
وش فايده قصره اذا الباب مصكوك
الله يسعى للقصر في خرابه
واهلك وجدانك على الطيب ربوك
والرجل ما يطلع ترى من ثيابه

واهل المصالح حط بالك الى جوك
دو خلا لا يخدعك في سرابه
ان فزت قالوا يا ولدي الف مبروك
وان طحت محدن مسك دونك نصابه
ولا تماشي كل نذل وصعلوك
ماش الذي في مشيته يقتدى به
خلك فطن لو قالوا الناس حبوك
وان لم تكن ذيب كلتك الذيابه
والعز بالطاعات تكفى وانا ابوك
ولا ينفع الشايب الى اقفى شبابه