كلمات أغنية يا زاهي الكحل

يا زاهي الكحل

يازاهي الكحل عينك هي تبي حتفـي
صدت وأنا لي مكان بحجرها الدافـي

ياجارح القلب ظلم منك لـو تقفـي
حقي عليك الوفا تسعى بالإنصـاف

همس الشفايف تبسم بسمتك تكفـي
لي صار وصلك صعيب فالرضا كافي

يا أبو جديل على غض النحر يضفـي
والموج زاد بسواده لونـك الصافـي

ياعل وقت الكدر ياصاحبي يصفـي
وبعد الجفا اللي جرحني وصلك الشافي

يازاهي الكحل حبك فايـق وصفـي
ولولا الرجا منك بحت بسري الخافـي