كلمات أغنية لا باس
لا باس يالمحبوب روحي تفداك
لا باس يامضنون عيني حبيبي
ياعل ربي ياهوى البال ياقاك
من كل شر وكل جرح عطيب
ياليتني خذت المرض عنك ماجاك
وتصير من بد الخلايق طبيبي
ترى حياتي ماتهنى بلياك
ليتك دوام عند عيني قريب
ياليتني نسمة صباح بدنياك
الثم جبينك عقب طول المغيب
او ليتني طيف يزورك بممساك
واشاهدك واقول يانفس طيبي
بالحيل احبك واعشقك واتمناك
يشهد على ما اقول دمع سكيب
انا دخيلك لا تطول بفرقاك
رد لعيوني نومها اللي حريب