كلمات أغنية صوتك يناديني

صوتك يناديني يناديني تذكر
تذكر الحلم الصغير
وجدار من طين وحصير
وقمرا ورا الليل الضرير عند الغدير
وإن هبت النسمه تكسر
تذكر
جيتي من النسيان ومن كل الزمان
اللي مضى واللي تغير
صوتك يناديني يناديني تذكر
ناديت خانتني السنين اللي مضت راحت
ناديت ماكن السنين اللي مضت راحت
كنا إفترقنا البارحه
والبارحه صارت عمر
ليله أبد عيت تمر
ياجمرة الشوق الخفي نسيت أنا
نسيت أنا وجرحك وفي

ريانة العود نادي الليالي تعود
بشوق الهوى بوعود
وجهي اللي ضيعته زمان
في عيونك السود
يا البسمة العذبه عنك الصبر كذبه
وفيك العمر موعود
إشتقتك للحلم الصغير
وجدار من طين وحصير
وقمرا ورا الليل الضرير عند الغدير
وإن هبت النسمه تكسر
تذكر
جيتي من النسيان ومن كل الزمان
اللي مضى واللي تغير
صوتك يناديني يناديني تذكر