كلمات أغنية تعبت من السفر

تعبت من السفر ليتك تروف
تعبت من العنا ما اروم أكثر
عشقتك حاسب إنك دوم توفي
و منيتي يوم و الباقي تنكر
سقى الله من على الفرقى تصبر

أنا للحب جرتني حلوفي
و ربي في السما لي يوم قدر
أسافر و ابتعد و اجبر ظروفي
و اعاند دمع عيني لى تحدر
سقى الله من على الفرقى تصبر

أداري في الحشى حرات جوفي
و اصبر نفسي فيه حتى تصبر
تعبت و زاد في التغريب صوتي
و حبك بالحشى لا ما تغير
سقى الله من على الفرقى تصبر

تعبت من السفر ليتك تشوف
نحيل العود و اخاف يتكسر
أريد الموت و اتمناه لو في
هلاكي راحتك و ما اظن أبخسر
سقى الله من على الفرقى تصبر