كلمات أغنية يعرف روحه

الراضع من صدر الهيبة والمعروف من باصلة وطيبة
ماكو داعي اسمه نجيبة يعرف روحة

الطالع من ظهر الغيره والعالم يحجون بخيره
الي نحبه ومنحب غيره يعرف روحة

الصاحب نخوه وكل رجوله مايحتاج احنا اسمه نكوله
وبخباره العالم مشغوله وبافعاله صفنهة الدنيا

لاهذا لا ذاك نريده نريد الي من عدنه من عدنا نريده

المايقبل يسكت ع ظالم السهران ومايضل نايم

الي يهدد مايتهدد وبزيناتة العالم تشهد
غنوله قاسم و محمد يعرف روحه

الي يهابه كلمن شافة والدنيا احتارت باوصافه
والشايله فوك جتافه كدامه نركض يلكانه

الشايل هل وطن بعينه والشارب مي من نهرينه
والميسوي غير الزينه يعرف روحه

البير الحامي من جنوبه وطيبت الشمال المحبوبه
خيال الشكَره المهيوبه يعرف روحه

احنا اهل النخوه المعروفه والي ينخانه نصير سيوفه
والشايفنه بعين نشوفه عيون اثنين وميكفونه

لاهذا لا ذاك نريده نريد الي من عدنه من عدنا نريده
المهتم باهله وناسه والوطن يعيش باحساسه
والعالي ومادنكَـ راسه يعرف روحه

الي ويانه يذوكَـ المره ياكل من ماعون الفقره
والي بكل خير احنة نذكره يعرف روحه

نصير حزامه وظهره نشده ومانبقل واحد يتعده
لو مرينه ببحر الشده يمد روحه حتى يعبرنه