كلمات أغنية الشيطان يلعب

أنا شايف اللي ماهوش سالك بالنسبة لي معذور
إذا كان كوكبنا بحاله بيلف وبيدور
وكلام الحق ده زي الشوكة واقف في الزور
من إمتى الواحد عمل الصح وكان مشكور

الخبث ده ضلع أساسي في تكوين هذا الكون
الواقع حاجة غير اللي بتيجي في التليفزيون
لو سبت الشكليات وتركز في المضمون
هتشوف الخاين صاين والصاين بيخون

الشيطان يلعب الدماغ تضرب
العيال تشرب البيوت تخرب
قانون الكوكب الفلوس تكسب

الكوكب اللفاف في مجرة الإتلاف
صاحبنا في آلاف فيهم كام راجل
يا كوكب الخراب يا مندل الصحاب
ده إنت نهايتك هباب براكين وزلازل

يا اللي ناسك وحشين أندال متلونين
مقابلتش كام كمين عملوا فيك جميلة
ايامك مالها كبت بكفاية فينا خبط
فشرك زيك بالظبط ناس ما هيش أصيلة

صورك بذكاء اصطناعي دي عملت منك بيه
طيب والطبع الواطي ده هتنيل فيه إيه
الشارع يا ابني بتاعي ويكفى انا محبوب فيه
وإنت الميديا تهيألك وهم وعايش بيه

لأ خد في عينك السهم إنك ندل وهلاس
شكلك ما صاحبتش راجل آخرك حرمة وكاس
أنا هرشك عيل واطي إحنا بنفهم في الناس

الحقيقة كاملة يا كلاب العملة
بينا نو معاملة أصل أنا الحملة
احذروا شيطاني رجلي شايلاني
أيوة أنا معلم وأنتو صبياني

أنا ناجح يا ابني في شغلي ومش فاضي للحوارات
إحنا أصحاب الشغلانة إحنا بتوع صفقات
إحنا بنعرف نتطور وبنعمل فلتات
ما تعيشش في دور النجم ده إنت من الفانزات

طول ما أنا اسمي ده في اللستة اسم الباقي مشطوب
بادئينها بقعدة بسطة وكانت كلها ع الطوب
من يومي على ذمة نفسي لكن تكبر لشعوب
أنا ربي ده هو الواسطة سلاحي إني أنا محبوب

العيال كبروا جيل فاتح صدرو
جيت أنا بطولي طلعوا يابا يجروا
الحكومة كبست كلها اتحبست
يلا وفي داهية وتبقى كده خلصت

الكوكب اللفاف في مجرة الإتلاف
صاحبنا في آلاف فيهم كام راجل
يا كوكب الخراب يا مندل الصحاب
ده إنت نهايتك هباب براكين وزلازل

يا اللي مالينا يأس وناس راضعة رقص
ومتعاملين بخبث ناس ماليها ملة
الكدب أكل عيش وبقى بيلم جيش
دلوقتي أخوات مفيش يا كوكب القلة