كلمات أغنية حبيبت ابوها

يحميكي يابنتي وم العين محروسه
والله وكبرتي وبقيتي عروسه
يا كريز متنقي ياحتة بسبوسه
يا بنوتة قلبي يا أجمل ننوسه

حبيبة ابوها اهيه ياجدعان
ورده وطرحت في البستان
خمسه عليها وعاللي يشوفها
وميصليش عالنبي غيران

من فرحتي مش لاقي كلام
في جمال كده معقول ياسلام
و حلو عليكي اوي الفستان

ياأمورة بابا ياعصفورة بيتنا
يا بحر طيابه مغرق دنيتنا
يا أجمل سنيوره ياقمر حتتنا
من يوم ماأنستي وكملت فرحتنا

عندي اميره في بيتي ياناس
كوكتيل رقه علي احساس
شعرها غزل بنات رباني
وخدها ورد عايز يتباس

بصه ف عينها تحلي الكون
قصاد ضحكتها الدنيا تهون
لاء و عليها دلع ياخرابي
بتنسيني هموم اليوم

وهتبقي عروسته ويجي يطلب ايدك
هطلع عين اهله وعينه عشان اسيبك
سامحيني منا برده تعبت في تربيتك
انا بنتي أميرة الأميرات
وجمالها جمال الملكات
حاجه كده م اللي بتسمعوا عنهم
في الحواديت وفي الحكايات

يارب تعيشي في هنا وامان
واشوفك اسعد واحده كمان
واللي بتحلمي بيه يتحقق
واشوف قلبك دايما فرحان

معلومات الاغنية
● غناء ● محمد سلطان
● كلمات ● عمرو قطب
● الحان ● محمد سلطان
● توزيع ● ميدو مزيكا
● سوشيال ميديا ● احمد ميدا
● انتاج ● GNA ( حسين بلاطه )
● مدير انتاج ● احمد على ابو طيبة
● اخراج ● هيثم سعيد