كلمات أغنية انا اغلب خلق الله

انا اغلب خلق الله يكفيك شر اللي أنا فيه
والله ما ترضى تعيش في اللي انت حاسدني عليه
طول عمري بنام مغلوب والهم انا شلته كتير
قلب اتقطع وكعوب مهرية من المشاوير

من يوم وعيت والفرحة بتيجي يدوب تخاطيف
والحظ بيجي معايا ويعمل نفسه كفيف
انا مش مكتوبلي الراحة يا عالم زي الناس
دي الدنيا بتيجي عليا عشان انا قلبي نضيف

كلت ايه يا دنيا أشرب مرك دا عليه
كل ما افرح يجي حزني يسرق فرحي ليه
هاتي واحد زيي همك متفصل عليه

احسبيلي يا دنيا فرحي في العمر اللي فات
بصحى على وجعك يا دنيا وفحزنك ببات
خفي ايدك عني حبة هينوبك ثواب
ارحميني يا دنيا عيني تعبت مالعياط

انا اغلب خلق الله ومليش عزوة واحباب
وبطولي بقالي كتير ومحدش خبط باب
انا ياما سألت زمان الضربة هتيجي منين
اهي جت من أغلى الناس ومجتش من الأغراب

أنا اكتر واحد شاف قسوة وتجريح ونفاق
كل ما بختارلي حبيب يتحول مالأعداء
انا جيتها لوحدي وهطلع منها لوحدي اكيد
ما انا كل اقول على ناس غاليين تختم بفراق

دا اللي قولت حبايبي طلعوا اقوى من الوحوش
اهل ولا صحاب رموني عيشي وملحي هان
ناس يا ساتر ماشية عادي بتغير وشوش

بعد امي وبعد ابويا كله عليا داس
واللي ياما عملت ليهم خدي زمان مداس
باعوا وفي اول محطة باعوا بالرخيص
يلا مش زعلان وعمري ما ازعل عالرخاص