كلمات أغنية عدوية

صياد صياد ورحت اصطاد صادوني
عدويه
طرحوا شباكهم رموش العين صابوني
يا عدويه

اه يا ليل يا قمر والمنجه طابت ع الشجر
اسقيني يا شابه وناوليني حبه ميه
اسم النبي حارصك اسمك ايه ردي عليا
عدويه
اه يا عدوي
اوعوا تحلوا المراكب والله يا ناس مراكب
ولا حاطت رجلي في الميه الا ومعايا عدويه
عدويه

اسمك عدويه يا صبيه ورموشك شط
وانا طول عمري غريب في الميه بتشال وتحط
يا ام الخدود العنابي يا ام العيون السنغافي
يا مركب البحر الغالي يا حجاب حشيلوا في غيابي
مدي ايديك خديني خديني
ولفلفيني السنين خديني
والله صورتك بتنفع تزين الجرانين
اوعوا تحلوا المراكب والله يا ناس مراكب
ولا حاطت رجلي في الميه الا ومعايا عدويه
عدويه

في ايديا المزامير وفي قلبي المسامير
الدنيا غربتني وانا الشط الامير
رمشك خطفني من اصحابي وانا ود صياد
لفيت بلاد وبلاد
اتاريكي ساكنه النحيا دي يا سلام يا ولاد
من كان يقول البصه دي تصطاد صياد
دوار يا ناسيني الشوق دوار
يا ممشيني كذا مشوار
في الموج نحتار ليل ويا نهار
عدويه اهيه
ضحكتها نهار
عدويه اهيه
شمس واسرار
اوعوا تحلوا المراكب والله يا ناس مراكب
ولا حاطت رجلي في الميه الا ومعايا عدويه
عدويه