كلمات أغنية الفترة دي في حياتي

الفترة دي في حياتي محتاج أفصل شوية
لا هفكر في اللي فاتني ولا في أموري اللي جايه
هسمع مزيكا شبهي وأقاطعكم للأمانة
هكتب فوق بابي عذرا أنا مغلق للصيانة

تيار الحزن يمشي وانا هعكس لاتجاه
وهنام وأفصل دماغي للنوم سلطان وجاه
حرقت كتير في نفسي مكسبتش غير متاعب
لأ مش لاعب انا عقلي خرب وتاه

انا قرب شحني يخلص والله خلاص هطق
في قرار العزلة فعلا أنا عندي ألف حق
فنجان قهوة حياتي على سهوه هيتدلق

أنا عندي أعيش لوحدي مابين أربع حيطان
ولا إني أعيش مابينكم وأعاشر ناس حيتان
هشوف أفلام وأروق غير أفلامكم عليا
الفترة الجايه فعلا محتاج أفصل شوية