كلمات أغنية الهاشمي قال سحر العين يكفيني

الهاشمي قال سحر العين يكفيني
وكسره الجفن عن بيض الظبا تكفيك
وما حوى قدك المياس من لين
اذا تثنيت عن سمر القنا يغنيك
وكل ما كان في الولدان والعين
من البهاء والمحاسن قد تكامل فيك
من اجل ذا صار حبك يا رشا ديني
ومذهبي والتزامي كل ما يرضيك
ما اقدر لهجرك ولا غيرك يسليني
انا لي الله من جور الجفا اعنيك
لكن من الوصل بالله لا تخليني
لان قلبي يحبك كل ساع يشتيك
واجب عليك مثلما احبك تداويني
فما لصبك مداوي غير منك فيك
دواي من خمر ثغر الكاس تسقيني
شافعل بروحي وقلبي والبدن تمليك
وان شا تقدر على ظلمي وتجفيني
الله رقيبك لاني ما اطيق اجفيك
وان شا تصلني بنار الصد تصليني
فلا تصدق علي من بنا يغريك
لان قصد العذول بالذل ينكيني
ومن تامل كلامه مقصده ينكيك
الله من الزور والبهتان ينجيني
ومن عيون العدو والحاسدين ينجيك