كلمات أغنية بني مالك

فتحت الزرار وزان جوي وصدري زان
وشفت البحر عالي والأمواج هداره

كتبت القصيد اللي يجمل مع العربان
وانا اللي لفيت لعالمه وأعرف أسراره

فتحت المعاني مثل ما تفتح البيبان
وصارت هجوس الشعر تاره ورا تاره

أنا اللي في الموقف مجمل وطلق لسان
وأنا اللي لربعي محزم ومحتمي داره

تصير القوافي كنها قدح وشراره

جنون القصايد ماهو بكان ياما كان
ولا هو بشيشه تفتح العقل وزقاره

جنون القصايد تجمع الانس ويا الجان
وتلعن جدفك وياخذك سقم وحراره

بيوت القصايد رامي وطلقه ونيشان
ماهي جلسه بشاطي وعلبه وسناره

سلامي على ربعي وربعي طوال ايمان
لهم في تواريخ النصر موقف وغاره

بني مالك الهيبه بني مالك الشجعان
بني مالك اللي روسهم فخر ونعاره

وصارت بيوت الشعر جزله ومختاره

أحب القبيله واتباهى في الشيخان
رجال المواقف ذكرهم ذاعت أخباره

في الطيب تلقاهم على ماقف وبرهان
وعند الكرم بيت الغلا فاضت أسواره

هذا المالكي لاجيت له غالي الأثمان
تباشر بضيفانه ورحب بزواره

في الماقف الكايد يوقف وقوف حصان
وتلقاه بيمينك ولا تعرف أعذارة

يدك العدو ويولع النار والدخان
وتنزف جروح الخصم وتبدد ادواره

ولابه قصور في القبايل ولا حقران
وكلا في مدح قبيلته يكتب اشعاره

نحب الوطن ونحب كنق العرب سلمان
وناقف بوجه المعتدي وندحر أشراره

واذا جيت لمحمد نفاخر به ونزدان
مهجد رؤوس الغرب ومثبت أشواره

وطنا نغني فيه ونجمل الألحان
وطنا نفاخر فيه ونعيش بخياره