كلمات أغنية الدراهم
الدراهم يسجو الجايح ويفطنوا من كان سارح
يسترو من دار الفضايح غير كلي ما دار والو
الدراهم يوفو الكلمه بيهم تتعلى القيمه
ويفتحو عينين لعمى يصبح غاير من خيالو
الدراهم يفطنو الغافل ويسلكو من كان حاصل
بيهم العكلي يسترجل فالحين يتبدلو احوالو
الدراهم يطورو الحاله مولاهم من الفراغ يملى
يشري واش حب جمله سعد اللي ربي عطالو
الدراهم يسقمو البنادم ويفيقو من كان نايم
يصحى بعد اللي مغيم والمريض يبراولو علالو
الدراهم يسقمو العوجه ويزيدو للرخيص درجه
يغرس اليابسه وتسجى بيهم عيطى جياح نالو
الدراهم يجبرو المكسر يطلب واش حب يحضر
واللي ماعندوش قاصر مسكين ينقطعو احبالو