كلمات أغنية انت اول اشواق

سلم علي ارجوك واقبل سلامي
وارو العروق اليابسات الضوامي
حطيت فوق القلب مسمار حامي
واصبح يلوف اقصاه ما لا يلوفك
ارحم دخيلك في الهوى من يحبك
وده يطول الليل جنبه بجنبك

يفرح بفرحك ويتخوف بخوفك
يكفيني وجودك ولا باقي الناس
واجمل ظروف العشق حزات الاحساس
اللي تراودني مع جر الانفاس
واعذب طواريقي بلمحة طيوفك
يا ليت دمي يختلط فيه دمك
او ليتني اقرب قريبٍ يهمك
واعيش طول العمر يا زين يمك

الى متى وانا على مثل ذا الحال
لا طاب لي مرقد ولا سج لي بال
الهم ليلي والعنا والهجر طال
متى على الله تبتعد عن عزوفك
ان كنت ناسيني فلاني بناسيك
هل تعتقد بإني بملك واجافيك
القلب يرأف بك ماهو بصاخيٍ فيك
كل النظر لك والمشاعر تحوفك
ولعتني بك واخرتها تناسيت
يوم ألتفت ابغاك يا زين صديت
حطيتني في الموقف الحرج واقفيت
نسيت عشرة مَن حنينه يروفك
مشكاي لله هو عليمٍ بحالي
ليتك تشوف اللي من اجلك جرالي
وتعيش لو ساعة مأسي بدالي
بتشل حملٍ ما تشيله كتوفك
القرب هو قصدي وغاية منايه
ان كان ما في خاطرك لي عنايه
ترى الصبر عندي وصل للنهايه
متى اجتمع وياك ويحين شوفك
انت اول اشواق الغرام وطواريه
وانت الوحيد اللي عيوني تداريه
قلبٍ يودك يالغضي ليه تشقيه
ما كنه اللي ذاق طعنة سيوفك