كلمات أغنية ياتو طريق يجبرني
ياتو طريق يجبرني واجيكي
ياتو طبيعه وياتو سلام
لو ما كنت اصلا جايكي
وحازن طيفك بالايام
يا البتقولي و ماك مهتمه
كيف الحال ان الله تمام
والحول الزايد فوق حولو
عارفه علي مشهادك تام
بحلم بيك و الدنيا اماني
والاحلام ياها الاحلام
والاحلام كيف تبقي حقيقه
واليحلم بيناتنا يلام
تزكري يوم اتلاقينا وما كان
في خاطرنا غرام
غير اشواق لي لقيه احبه
و ما معروفه تكون يات عام
و المستقبل في ايدو سيدو
يا افراح يا يبقي الام
وكيف ما كان نرضابو
و نقبل طال ماب نؤمن بالاقسام
في يوم ما متزكر اسمو
من شده ما عشتو كظام
لحن صباحي واتحست
باقي معالمك في الارحام
شفتك في افاقي بعيده
مسروره و مسكونه هيام
كاسيكي الحسن الرباني
زوق و سماحه ولون و قوام
شفت عيون مخلوقه اشوفه
وشوفه تصبح لي حرام
اتمناها ولي تاكد كل مناي
الحارسو حطام
اتخيلت كتير في الدنيا
شوق و ماسي و كم الالام
الا عيونك تبقي بعيده
وبيني و بينا يجري خصام
مهما الليل اشتد ظلامو
يملا مسار احلامي منام
لابد من يشرق لي صباحو
و روضي يهب فوقو النسام
مؤمن بي مقسوم القسمه
حتي ان كانت كاسا سام
ما الاقدار وقت الله يجيبه
ياها نهايه كل كلام