كلمات أغنية نسيتيني
نسيتينى وماقايلك بتنسينى
نسيتينى ونسيتى انك نسيتينى
سالت عيونك المحتاره لمن انتى شفتينى
مشبهى والله هاديه النظره ام بهتت عناوينى
هدلتى عجن
رويتى وجن
بنانك فى شفاك طعن اتاريك ماعرفتينى
حرام والله تنسى الماضى ياغره دواوينى
فاكرك فوق جحيم مشتاقه صابره متين تلاقينى
اتاريك انتى فى وادى
وبنات افكارى فى وادى
وقليبك طاشى بى غادى ناسى البينو والبينى
استاهل عشان طاريك لم سهيت عن دينى
فقدت الذات وقلبى المات والله يكضب الشينى
اغنى وماعرفت غناى
هويتك وماحفظتى هواى
وحنانك زى ضايقو سواى ينتح هينو فى هينى
كلكلت المشاعر الباكى موت احلامه ود عينى
وضمدت الجراح النازفه من اعماق شرايينى
وجيتك برضى انا الولهان
اصدح بى غناوى زمان
ناسى اوجاعى والاحزان وداير اتهنى بى حينى
امانى بلاك وهم مابيبقه حتى ان كان جرحتينى
تراى صابر اغنى وادوبى
بغفرلك تعالى وتوبى
رضيت بالجمره البتبوبى غيرك شن مبكينى
متين ياسفره الفرح اللحق فى التربه والدينى
ضفافك يارهود الرحمه فوقه يكاكى وزينى
تقيف فينوس على الاهرام تمد ايديها لى قدام
تفرد احضانه لى الايتام اصافيها وتصافينى