كلمات أغنية ممكون جواك وصابر
ممكون جواك وصابر
وصبرك في جواك ممكون
يا تايه في الزمن العابر
وعابر زمن الهم محزون
يا موجود في ناسك ونادر
ورايح في زاتك مرهون
يومك بين البارح وباكر
مشوار بالاهات مشحون
لما تلملم زاتك وترحل زاتك
من الزول الاصبح المافي
وتسجن روحك عفو الخاطر
بين الدهشه وحزن خرافي
يبقى عزاك يا زول في انك
لما تطلع نفسك منك
يطلع منك ويرجع صافي
وفي ترحالك لما تسافر
تلقى مداين الزيف السافر
مينا ومرسى
خلى البحر الفينا مسافر
وختت همك فينا مرافي
لو يتمدد ضل الغيمه لا تتحير
برضك لملم زاتك وارحل وما تتحير
ادي خطاك اصرار وعزيمه
وخوض النار مع انك حافي
لو ضيعت السكه ورحت لا تتحسر
برضو ضياعك خير وعوافي
اصلو السكه الاولى حزينه
لو كان جيت كان يادوب ضيعت الباقي
وعشت حياتك زي الساقي
وبلل الريق لي حلقو مجافي
انت الخير جواك يا رايع
سافر عكس الزمن الضايع
وشد الحيل جواك يا رايع
لملم زاتك تاني وسافر
مهما يحصل
بكره بنوصل دنيا جديده
وتلقى الخير في دربك وافي