كلمات أغنية معذور

معذور لو قلبي اشتهاك
ما انت عارف فرقتك ما بيحملا القلب الهواك
معذور
دا مناه يوم ما نتفرق يا ريتو كان يفضل معاك
لو بي مرادو يقوم يجيك تلقاه بين ايديك حداك
متمني الحق بيك سريع نتلاقى والاشواق هناك
جاييك هارب من سنين جاييك واقع في حواك
غلبو النواح يوم فرقتك بالدهشه خانس اتعبر
ما بين نوازع الروح اليك هايم وبين حكم القدر
ما اتزعزع الايمان جواه ولكنو في الاخر بشر
قايل عليك شده وتزول ما قايلك انت علي سفر
ما كان هو فاهم يومو داك ايه ضحكه البرق اللصف
ولا كان هو شايف للهموم الجايه واقفات ليهو صف
ولا كان هو حاسس بالغرام الباني في الغيم اتنسف
لقى نفسو فجاه بلا وجيع مفجوع ومفقوع بالاسف
يا ريتو كان وقف الزمان قبال تروح صد ورجع
ما كان غشانا الحزن يوم لا فرقه بيناتنا بتقع
كان لا رثيتك لا بكيت لا قلبي فيك يوم اتفجع
وما كان قدر ذكراك صبح يومها التزور مره ووجع
معذور